Karvitz's DayS

:: 屈士泣

WhatsApp 的確方便咗大家溝通，但亦因溝通時間短咗快咗而常常地有順口開河的情況而間接令我皮質醇上升。

親身經驗。

話說幾個朋友在 group chat 商討去邊個地方食 dinner buffet，你一言我一語都無問題，但朋友們都習慣講完就算。例如有人話《盛事》好食，之後立即就有人問幾多錢。好！我即刻搵其 website 及 openrice 都無正式標價，咁我答返句：「無正式標價，但見到人地寫 $350 一位！」

之後又有人問「搵左 openrice 未？」另一個又答「你有無上佢地個 website 睇」…… 我真係「啤」一聲，我反問佢地一句「你估我有無去過搵……」真係有 d 勞氣。

:: 繼續悅讀

:: 2012 音樂結集．二

　　　　　　　　　單曲推介：〈知更〉、〈火鳥〉及〈翅膀下的風〉

在微博中，楊千嬅自寫「一把聲音，兩個心跳中完成」，別理這句宣傳口號是唱片公司團隊的心思，還是出自楊千嬅的巧手。對我來說，就這簡單的幾隻字，就已經很感動，加上已派台的歌曲質素很上乘，《火鳥》這張專輯是絕對值得入手。

年尾結算時已提到〈火鳥〉及〈翅膀下的風〉是上年度的十大最愛。林夕把火鳥在浴火中重生的故事一口氣寫完，神級的一句 - 「如像火鳥在洪爐內花瓣在懸崖上躍下才可再生」嘆為觀止。歌詞的深度是絕對值得慢慢細嚼，陳輝陽的曲依舊秀麗，比〈飲酒思源〉更圓滑更適合楊千嬅。

〈翅膀下的風〉有種久違了的楊千嬅味，熒繞不段的鋼琴伴奏營造出被圍困的感覺，後段從挫折中領略到展翅高飛便要靠風靠自己，藍奕邦說過這是他二零一一年寫得最辛苦但同樣是最好的一首詞，這個說法，我絕對認同。

:: 繼續音樂

:: 送禮。

由於工作的部門以男性為主，導致有很多籠絡人心，又或者叫做討好的門面工作，我地係無 / 唔識做的。我並唔知道有幾多直接的影響，但一到大時大節，週圍的部門都有果籃、糖果禮盒出現，而本部就只有寥寥可數的幾盒。

不可以賴我們係華人的原故，但在生活處事裡面，人家送禮，我認為絕對是要回禮的。就似有某個部門在每個農曆新年前都會送一個自製「全盒」似的糖果盤，上司每年都如是咁大方收下，且闊佬懶理狀，感覺上就是「佢地進貢，我梗係收喇」，禮都唔會回一個。

曾經有一年我私底下回咗個小禮予該部門的主管，真的是物輕情意重嗰隻，跟手嗰年該主管出手就更闊綽。唉！我見到咁樣，我決定不再私下回禮，怕得大家每年在拉扯。

其實……… 呢種送禮的來來回回，跟大陸的景象係唔係差不多呢？

:: 花開富貴。

上年買水仙，今年就搵唔到靚水仙，唯有買兩紮賀年花！
一束菊花配一束百合，靚價成交。祝大家花開富貴喇！

:: afterLUN tea

LUN = Lunar New Year年初一下晝唔使拜年，自製抺茶奶茶配牛油蛋卷，放假真好。

:: 龍年快樂。