人気ブログランキング | 話題のタグを見る

:: 再.兩.餐

繼續開飯。

魚鱻魚湯專門店

單睇店名就知道是「魚」的世界。打正旗號以魚湯作招來,加上店內不同的魚之食材,吸引不少人來試試,都算得上是人氣小店。



原條大眼雞米線或魚腩湯飯,都只會令我都搖頭拒絕,只因魚骨是我的天敵。退而求其次,點了手打墨魚粒湯飯及炸蝦球。墨魚粒並非普通的街邊貨,有咬口。而蝦球就以蝦肉配墨魚肉之後再炸,脆脆的很不錯,但就非常熱氣。



朋友及坊間都點出魚湯的味比較淡,但我卻幾喜歡這個味,感覺上味精不多,純粹只用魚去迫出個味道,感覺上比較健康,嫌棄場地太窄,活動空間不大,食得未夠盡慶。

---------------------------------------------------------------------

自家私房菜

朋友新屋入伙,上門踩場是必須要做的事。主人家要招呼九男女,最好的方法絕對是打邊爐,唔使事前功夫,事後都比收拾一餐家常便飯輕易。原先都以為只是一般貨色的肥牛、魚旦、魷魚、生菜、芋絲等等,但最珍奇的竟然有鮑魚仔的出現。



圍內一班朋友仔打邊爐好少用到鮑魚仔,而全台人都毫無頭緒,究竟鮑魚仔要烚幾耐呢?三十秒?三分鐘?最慘是在試一隻少一隻的情況下,不容有失的務求尋到最快的烹調最佳時間。又好好彩,試咗一次烚分半鐘就已經成功,好爽口,絕對唔似咬緊香口膠咁,真係要頒個烚鮑魚達人獎予屋主兩夫婦喇!
by karvitz | 2009-07-18 22:13 | :: 日記仔女