人気ブログランキング | 話題のタグを見る

:: 《麥兜响噹噹》



寫呢篇《麥兜响噹噹》前,我其實已經寫好咗另一篇 (是勁踩的!)。

炒冷飯雖然好似好無誠意,但要炒到一碟又香又好食的炒飯,難度高誠意亦要足。咁樣,邊個夠膽話炒金鑲銀炒飯無誠意?

在未睇《麥兜響噹噹》的電影繪本前,《麥兜响噹噹》只算是一套食之無味、棄之可惜的電影。



原來,係原來,看過「電影原著繪本」後,所有記憶都返晒來。《麥兜响噹噹》其實是一次大雜燴,是把過去的麥嘜麥兜麥太及春田花花的小故事來一次集體回憶。在《麥兜响噹噹》電影裡面,互讓雞脾的一幕,睇到我眼睛濕濕的,但著實呢個情節呢個橋段,早於十年前的繪本已經出現,漫畫平鋪正述的說不上感動,但電影卻把此幕提升了層次。

其他紙包雞的升級版頻能雞出自麥太世界、大鐘的一幕又出自某個初期春田花花幼稚園的小故事、麥子,字仲肥就更明顯,故事人物一早已設定、而麥太為生活而頻撲,到頭來都是為咗個仔,都一樣早有提及。阿May 及麥兜長大後的重遇,漫畫則比電影版更感動及唏噓。

上武當學武,只是一張星閃閃的包裝紙,湊熱鬧的把功夫原素加到電影 (近排功夫片真係賣得喎!)。講真,習武的一段又唔好笑又無意思,什麼鮑魚雞汁味即食麵,真係為攪笑而攪笑,唔好喇!而深圳河一戰更顯得累贅及無癮。

我都算是睇麥嘜麥兜大,我們還小的時候,老媽真金白銀買過幾本《感人至深小故事》及《麥肉兜兜》等繒本回家。當時的故事都未算深,但有時卻會滲入部份的外國童話,會帶點Sad,但都會有好笑位。

人大咗,舊的故事書已經唔見晒,剩返自己買的《尿水遙遙》、《完美故事》及《寧靜聲音》,三本都有么心么肺的地方,這種么法,就是我最愛呢隻豬的地方。如果有一日呢隻豬唔再么我,就如當年的賀歲片《春田花花幼稚園》,爛到無倫,我就必定會選擇去放棄佢。

如果齋論《麥兜响噹噹》呢套電影,十分為滿分,應該只值五分;但計埋《麥兜響噹噹》的電影原著繪本後,八分實走唔甩,一分就扣減那無聊習武,另一分扣減那無謂的3D 。

如果有時間,我推介呢段約十分鐘與港台合拍《春田花花中華博物館》其中一段,有笑有淚,又么到我眼濕濕,推介。


by karvitz | 2009-08-26 20:40 | :: 日記仔女