人気ブログランキング | 話題のタグを見る

:: 孤陋寡聞。

今次,我直認。

雖然不是超市的常客,但其品牌及其他分支,我覺得自己都算清楚了解,但今次燒鬚了。

屋企附近的商場有百佳超級市場,北角有的是百佳超級廣場,跑馬地的是 Park N Shop International,而青衣及又一城則是另一同系品牌 Great。我數得咁一清二楚,應該都無漏網之魚喇!

點知。




上星期無聊四圍逛,走咗去一個,住咗香港廿幾年都未去過的地方,又竟然俾我見到間,廿幾年都未見過的百佳系,我眼都突埋。



百佳平價市場


門口貼的特價牌,是把過氣的宣傳牌翻轉,人手寫大大隻紅字,比裕記更簡單。走入店裡,真係街市咁,凍肉放門口,蔬果又放近收銀機,薯片又亂排一通,貨架又標明超級低價,望真下個價錢,咦!又真係平少少喎!

人外有天,天外有人,百佳之外有平價百佳,世界真係大囉!
by karvitz | 2009-09-12 00:25 | :: 日記仔女