人気ブログランキング | 話題のタグを見る

:: 小事三樁

1. 做完運動後去沖涼,點知入咗格無熱水供應的,諗住頂一陣凍水照頭淋應該都無問題。但洗完個頭後就開始頂唔順,不斷諗走過隔離那格,希望有熱水喇!

正當轉個身準備轉場之際,點知沖涼格的走廊企咗兩個人。我面矇矇咁立即轉過隔離格,之後就不斷有種好尷尬的感覺,好想大聲解釋我唔係痴漢,只係無熱水沖涼而轉場。

但好可惜,隔離格都同樣係無熱水............... OMG!蝕_晒喇!



2. 一個尋常的放工日子,在巴士站等車返屋企。霎眼間有個女生由遠而近行過來車站,她穿套裝,行路核核突突咁,行到埋來巴士站我先認得她原本是舊同事 V。

當年佢返工牛記笠記,唔打扮黑眼圈大到爆炸,但其實她執正返都應該唔錯。今日再見,轉戰套裝行列,十個衣不稱身,與她嗲過兩句之後她就有車到,之後匆匆講過拜拜就閃。

之後,她打電話俾我「喂!其實之前我都見過你幾次,無嘢喇,拜拜」講完呢句她就立即收線!係唔係好怪喇!就係喇!識佢八年都係咁,無變過。就同佢八年前佢無男朋友一樣,八年後都...... 無。

3. 今日公司開大會,有高層叫我們參考一個政府的網站,他講「XXX@gov.hk」。台下的其他高層同事叫他重覆,佢繼續係「XXX@gov.hk」。

我「吓」咗一聲,同我上司講「用 @ 又點會係 web site 呀!」上司話係喎!之後高層再 repeat 多一次「XXX@gov.hk」,台下都無人更正,OMG,台下有 IT 同事响度都唔出聲,是怕落最尚宮面,定係個個都瞓 Q 晒無留意佢其實講咩呢!

好彩我只係勁低層,呢類尷尬嘢都係留返阮司設同鍾司制攪平佢喇!
by karvitz | 2009-11-05 22:59 | :: 日記仔女