:: 十五問．二

上次講過玄學十五問，今次來一次真的十五問吧！

1. 你的處世之道是？
-- 處世之道？最緊要開心及無悔。無論輸錢輸馬輸股票，都是自己的選擇，贏固然開心，輸亦要甘心。

2. 有為夢想拼命嗎？
-- 曾經有。試過做一份 1100 – 2600 的夢想工作，但人工只得 $5000。

3. 試形容自己的個性。
-- 隨意吧！但千萬不可惹起我把火！

4. 你有收集的嗜好嗎？
-- 戲票、收據、紙幣、地鐵票、唱片、精品都喜歡收集，明顯地我似垃圾佬多一點。

5. 看到甚麼顏色會熱血沸騰？
-- 呢個好難答。答紅色太行貨，黃色又太過份，綠色又唔到 Point，所以我係答「唔識」！

6. 甚麼事情令你心情美好？
-- 股票翻幾翻，馬仔中開巷都只係表面。其實聽一隻好聽的唱片，與一大班朋友食餐飯去個旅行，朝早趕巴士不用送車尾，與老媽開心地 Pillow Talk，在街上偶遇失散多年的朋友等等都可以 令我心情美好。

7.討厭的事？
-- 討厭工作不順利、朝早返工塞車、股票跌十幾廿個價位、無喇喇朝早五點鐘「紥」醒瞓唔返、去做運動時遇到個 Studio 爆水管、在巴士地鐵見到人啪啪聲剪指甲，仲有好多，多到人都癲。

8. 討厭的節日？
-- 佛誕。無喇喇放一日假，遠行又唔係，瞓足一日又覺得浪費，討厭。

9. 甚麼時候生日？
-- 呢一個問題唔重要，重點請往下一題。

10. 承上題，會有人為你慶祝嗎？
-- 呢個問題好宅。我諗，點都好，每個人生日都會有人為壽星慶祝喇！如果呢個問題個答案係「無」，真係好宅囉！

11. 常發惡夢？
-- 好難定位喎！ 發完個夢，好想瞓醒的時候記得返個夢境，但諗來諗去都係無記憶，我覺得呢個時候先係惡夢喇！

12. 你認為最幸福的夢境是甚麼？
-- 承上題，瞓醒記得返個夢係點，我就覺得最幸福。

13. 目前的理想？
-- 想買層樓，有升降機，唔使行樓梯。而又裝修得靚靚地，見得下人，再邀請朋友上來打下牌食下飯咁。算唔算理想？

14. 揀1055、753定670？
-- 一定係 1055，唔該快點升返到兩個八！謝！

15. 有無春秋大夢？
-- 有。可以唔使做去可以環遊世界，唔需要奢華旅程，揹個背包住旅店都可以。出外開開眼界比保育中環及發展灣仔臨海地皮作補償的新聞更對我有意義。

歡迎比較。