:: 遇上利達賢

不是黎達榮,是利達賢,雖然我都想見一見黎達達榮的真身。

我絕對不是叼著煙在馬場邊大嗌「六號、六號」及蹲在投注站外面刨馬經的傳統馬迷,我也會有興趣留意賽馬以外的花邊新聞,就好似左丁山的專欄、新馬拍賣會、上年由小克設計的打氣帽及國際賽事等等。

今日逛超市,在轉角位見到位好面善外藉人士,腦海中霎時出現「利.達.賢」三個大字。之後再望望利先生的西裝褸上邊的襟針,有馬會的標誌,咁樣我就肯定佢就係利達賢先生。

如果你喜歡唱歌,你遇到黃劍濤,你可能會有種興奮;如果你喜歡賽車,你遇到歐陽若曦,你又可能會興奮;又或者你覺得政府在處理豬流感控制得宜,你遇到梁卓偉,你都可能會有種敬意。就是呢種關係喇,所以我見到利達賢都是有種莫名其妙的興奮。



利達賢是馬會賽馬事務執行總監,算是馬會的阿頭,而我竟然在百佳的汽水欄遇到佢,感覺就好似高高在上的落入咗凡間一樣。他好歹都是港最大企業的執行總監,但從其態度及行為都絕對是可親的。例如他會主動去整理擠在收銀處的手推車,他又自行準備了環保袋(核核突突那種),好少見位處高層咁有心,由此可見利先生應該是一位誠懇的人,不難相信近幾年馬會形象有所提升是跟他的作風是有關的。

雖然週三晚鋪咗五十蚊草皮,但見到利先生處事咁有心,真係輸都覺得抵返晒!



P.S. 原來利達賢先生都有百佳的易賞錢卡,真真真真係精打細算!
[PR]
by karvitz | 2010-01-21 21:40 | :: 日記仔女