人気ブログランキング | 話題のタグを見る

:: 華東行.I

香港,我又返來喇!


回程時的飛機餐有哈根達斯雪糕作甜品,是旅程的最完美結束。

.先匯報一下同行團友的組合:1. 四中少女團;2. 澳洲男配華藉老婆;3. 三母女;4. 先前說過的麻煩阿嬸及其老公;5. 不起眼的夫妻;6. 我們一行六人。

四中少女團:最常遲到的;對住中國級五星酒店大嗌「我都未住過咁靚的酒店」;普遍都是靜靜的,不是吱吱喳喳的八婆類。

澳洲男配華藉老婆:在蘇州博物館遲到了二十分鐘;在手信店買了高價紫砂茶壺及一粒貴價珍珠吊飾,我衷心的代國內接團的旅行社多謝你。

不起眼的夫妻:特別之事欠奉,但就是不停買,在手信店入手茶葉兩盒、珍珠吊飾、中藥及紫砂茶壺一套。




麻煩阿嬸及其老公:阿嬸如期地多嘢講,爆笑事件多到數唔晒!但我同阿嬸成程都係講咗兩句嘢之後,她就向我閉咀喇!

1. 不斷叫只識講普通話的售貨員講廣東話,去到邊個地方都係咁 (阿嬸,我地走出咗廣東省喇!);

2. 貪小便宜:去到每間酒店都拎走晒附送的紙袋及日用品,之後仲要在旅行車上炫耀喎。

最後去到一間比較精緻的酒店,她當然拎走那些佢以為免費的用品,點知裡面夾雜咗一個要俾錢的洗衫袋。第二日 check out 時服務員檢查之後發現不翼而飛,續要求阿嬸俾十蚊買走,阿嬸當然唔俾,死死地氣拎返個袋出來俾返酒店,繼而再在旅遊車上大說「我都唔知個袋要錢,我以為係免費喇!」

我只可以講一句,架 – 係自己丟的。

3. 唔聽書:去無錫行大宅,導遊講解在大龐上面放了兩個類似花樽裡的物體,導遊問:「有無人知呢兩個樽叫咩名」。

團友都議論紛紛說花樽,咁當然大家都錯,之後導遊講話個樽係用來俾古時的官放烏紗的,叫「官樽」!之後我地再走去另一個廳,導遊又問同款的樽叫咩名用來做咩,阿嬸都係答花樽。唉,連以客為上的導遊都不禁要厲一厲呢個阿嬸,都係那句,架 - 係自己丟的。

4. 去免費浸腳,店內附設有中醫師問症 (邊有咁大隻夾乸),她第一個舉手問,醫師望聞問切後說要開點藥方調理身體,開價 $480,之後阿嬸當然灑手擰頭!又問醫師那些中藥在中山有無得買,可以無咁貴,繼而再問埋條藥方想拎走,醫師真係睬你都有味喇!

三母女:原來整個團最厲害係呢三個女。成程都黑口黑面居多,只係大女就比較寬容點,而媽媽講嘢永遠都無尾音,導遊問十句先不客氣的答一句,對住其他團友都係一樣,就係佢地三母女間接地令到導遊與團友的關係轉差。

我們一行六人:呢六條友好嘈,夜晚就玩大老二到十一、二點,上旅遊車又唔聽書唔俾反應只係識得瞓。自費行程又唔係每個景點都去,硬要自己去行街買嘢。幸好呢班人都有幫襯下手信店,算噢崎喇!

好.起程。
by karvitz | 2010-01-22 23:20 | :: 到處留情