:: 敗犬女王



身邊有很多廿多歲都還未結婚的女士,我相信她們一定非常「恨」拍拖,但礙於年齡漸長,Market Value 愈來愈少的關係,要成熟男找一個三十歲的女士拍拖,我相信大部份男士都會眉頭皺,之後會彈出一句「天下美女何其多 為何揀位三十過」呢?

話說有個年約五十的高層,高大英俊,打扮又得體,而且揸法拉利出入,最最最緊要仲係單身。港女們可能會話:「嘩!咁好條件,又未結婚,一定係基佬喇!」咁小姐們就錯晒喇!高層的兩座位法拉利司機位旁的女伴天天新款,有時仲會係電視台的三、四線姐仔。講真,泊到呢個埋高層的碼頭,下半世都真係唔使憂。



而高層有位女祕書,無四十都有三十八,名叫 Betty。每天都化到個妝濃一濃,就好似夏威夷 (夏蕙姨) 的白面粉樣,條頸同個膚色係兩截色,咁大家可以幻想下喇。

有時我都會在公車上遇到Betty,從而聽到她一個人住在旺角舊樓,有一次因為對面屋開Party,那些客人的鞋因太多而放近了Betty 的門口,她覺得非常不合衛生便在車程時打電話到代理投訴,大大聲咁成車都聽到。當然,她投訴對面屋的鞋放得太過份之外,她更投訴埋樓梯口的公家垃圾筒無蓋好及覺得對面屋太多人出出入入,話自己一個女人住會好驚,好怕,唔敢返屋企喎!

呢個組合,在無線的劇集大結局時一定係俊高層與醜祕書會有情人終成眷熟,就連《Ugly Betty》都好似想走呢個方向。但實際上是「天下美女何其多,要揀都唔揀過又醜又煩又年過四十的中女喇」而這些童話故事讀得太多,係會壞腦的,尤其是對那些三十以上的香港女士。

如果我是Betty,自覺有美貌又有智慧,就不要再沉醉著為什麼無雙姐又老又臭脾氣都可以贏得年青吸引盧卡斯,而我又不可以呢?簡單來說,人生不是這是電視劇,而電視劇亦不是妳的人生。
[PR]
by karvitz | 2010-02-09 23:34 | :: 日記仔女