:: 林莉。

不是小虎隊的林利,呢個林莉是近日被傳買親上富家老闆屋企短聚、及後被拍到忽然富貴的中環豪買及被傳媒形容為港版林志玲的港姐。

忽然富貴其實都幾大件事,唔俾人知都還好,如果被踢爆是窮底,但忽然富貴豪買兩個賽西湖單位,還口口聲聲說是自己炒股賺返來之後再被踢爆,你都咪話幾瘀。咦!又係港姐喎!

近幾年,我在工作的地區不時遇到一位同校生,年齡比我小兩、三年,他正職應該是地產經紀。我倆不算太熟,但因中學時代住埋同一條村,撞口撞面的機會都不少。所以呢幾年重遇,雖然大家都有互望,但就一直都無打過招呼,因為我連他人姓甚名誰都不知道。

但我都幾肯定,他的老家依舊是在南區。



前幾日,忽然見到呢位同校生在我工作附近的私人樓房出現,與他同行的還有一名中女 (三十五歲以上)。他替中女捧著一大袋要拎去乾洗的衫拍拖款從大樓走出來,起初還有講有笑,但他見到我之後便收起了笑容,然後一面錯愕的樣子對著我,那個表情實在好奇怪。

唔好同我講可能是帶客睇樓?呢一下我好肯定不是,因為平日上班遇到他都是西裝畢挺的,今日卻醒神運動服出場。

對,那個同校生是我的學弟,是個男生。

第一個時間我想到的就是林莉,上老闆屋企短聚,繼而再想到他應該是窮底,不太可能住在這些高尚的私人樓房。之後就不斷充斥著被包養的念頭,加上他的一面驚恐,咁我都幾肯定 ……….

講真,我絕對無歧視成份,我都好想忽然富貴,忽然掃兩個賽西湖單位,忽然到中環狂掃靚衫,但如果突然間被熟人撞見,而我又顯出露出馬腳的神情,呢一下的尷尬,我反而接受唔來。

你你你睇下,林莉跟真版林志玲企埋一齊行 show 都唔尷尬,而且仲話各有各靚。嘩!呢種化尷尬為推動的力量,我真係轉換唔到,所以忽然富貴呢家嘢,都係留返俾一眾有這樣的能力的人做喇!
[PR]
by karvitz | 2010-02-18 23:39 | :: 日記仔女