:: 知識多.II



大家應該知道什麼是巴士迷?

話說二月八號朝早起身返工,巴士如期地在八時多埋站。離遠望「咦!點解架巴士唔同咗樣?」(因為這班巴士比較疏落,行呢條線的巴士就來來回回的三幾架)。就連其他熟客仔上車都即問司機「點解架車唔同咗,差點就唔認得」司機話「新車落地喇!」

我雖然唔係巴士迷,新車落地對我來說只有丁點興奮。但從沿路一直所見,就不停見到有人拎起相機不停咁影,架巴士真係咁靚仔咩?



上網一搜,原來呢架編號 7000 的城巴是香港首架歐盟五型雙層雙軸環保巴士 (歐盟五型我都仲知道點解,但雙軸我就真係唔識,亦搵唔到資料)。而呢個極大的消息,對巴士迷來說當然是天大的盛事。而7000的首航就是二月八日,分派咗來我搭開返放工的巴士線,怪不得全程都受到艷羨目光!

直到而家,每一班7000開出的都普遍都有一、兩個巴士迷,有時在上層,有時就在下層司機位側邊不停在不停在不停在拍照。咁我對巴士迷無特別偏見,但我覺得不要太騷擾司機就最好了。

P.S. 原來巴士迷最憎偷相,所以我唔敢亂 Link。上面張 7000 是出自本人的,真係幾咁難得先遇到上層無巴士迷無乘客!(呢一刻只係停咗廿秒,之後又有巴士迷衝咗上來喇!)
[PR]
by karvitz | 2010-02-26 21:51 | :: 日記仔女