:: 知識多.IV



近排永利好熱,永利街熱爆香港,但今次我係想講永利澳門喎!

錢從何來?

早排全城都是新股熱,而銀行又有提供抽新股免手續費,變相只需要戶口有錢就可以參加幸運大抽獎。咁當然唔係話你想抽就會抽到你,加上有些良莠不齊的新股,抽中隨時都要坐艇,所以我都是揀過度過先出手。咁我又唔係大戶,我出手都是抽一手咁大把,抱住中就中,唔中就算數的心態。而最後一隻揸到呢個時候都未放的,就是永利澳門。




我唔係要分析個市上落成點,但我想講,永利澳門上個季度賺十幾億,在金融海嘯的回復期都有咁厲害的回報,到底錢從何來?賭客們的錢又從何來,同胞們豪賭的錢又從何來呢?

聽說大陸有個政策,跟我們的強積金制度有點相似,同樣是每個月從薪水扣除百分之五予單位 (「單位」呢個 term 在大陸好難說得清楚解釋)。全個市百份之五的薪水就會存入銀行戶口,而單位裡面的任何職級都不能擅取。

到了大時大節,單位就會發放購物卷予各位同胞,例如在春節發放每人一千塊的購物卷,而購物卷就只可以在特定的商鋪買東西。而有些店更是名不經傳的,裡面充斥著開價兩百但實際上只值四、五十蚊貨仔的劣質汗衫,但唔買又浪費了購物卷,唉!錢就係咁樣用咗喇!

雖然單位裡面的人無法直接拿到錢,但回佣又可以收嗎?又是誰去授權那家商鋪可以接受購物卷呢?以上的答案大家都心知肚明,儘管同胞們都一樣知道這些錢可能會落入單位的口袋,但誰又會敢出聲,誰又會敢上報呢?

這,就是作我們強大後盾的祖國。
[PR]
by karvitz | 2010-03-06 23:40 | :: 日記仔女