:: 女同事.二

女同事又出場。


:: 真係辦公室如戰場?

上次說到有事發生就只懂得向我求救,今次醒目咗喇,懂得自己處理,最後都攪到一鑊泡又搵我幫手。

話說有同事的工具壞咗,因為仍在保養期內,拎回廠維修的工作就交咗俾女同事去跟進。咁同時間又有兩、三樣工具都要一併送廠維修,女同事就拍晒心口咁話全權負責。由聯絡到交收及跟進,都自己一個人處理,我其實幾 appreciate 她呢種勇於承擔工作的動力。



之後呢,我就接到同事來電問其工具的維修情況如何。我去問女同事,她反問我「邊部機呀?」之後我就話機身編號係 538484 呢部。之後女同事就 hang 機,不停地摷其電腦的檔案,搵咗十分鐘,她才除除地擰個頭過來面對我講「我搵唔到,我唔知你講邊部。」

之後我心平氣和咁同佢講「運輸收貨的時候應該有收貨單,上面應該有寫低機身編號!」佢答「無呀!我無問佢無單呀!」我開始上火喇「人地來拎幾部機走,你唔寫低不突止,連收貨單都唔問人拎,到時人地賴帳話無收過幾部機,咁你點樣跟返?」

之後佢又係一副可憐到極的樣望住我,又問我而家點算。點咩算,快手快腳打個電話問間廠維修情況喇,繼而再問返幾部機的編號做返記錄喇!

唉!又再一次。


同場加多一段,話說公司不定期會做不同樣的 quiz,我們的部門都不會例外。問題、答案及其他資料,同事們一早就已經知道,但得出來的結果係只得女同事一個 Fail 咗,要再安排時間去再做,OMG,What the …………

真的無話可說。
[PR]
by karvitz | 2010-04-04 23:30 | :: 日記仔女