:: 女同事.三.愛就宅一起。


:: 其實公司有呢類同事攪下嘢會唔會開心小小?

反應麻麻,但我偏想繼續寫。

話說部門是男性主導,比例是九比一,女性從來都是稀有動物,不單是數目上,連性格上都可見一班。

繼之前的笑爆放洋回來的中女同事,而家就有呢位處理能力值極低的同事。從來都無形容過其外貌,其實乏善可陳,個子不高約五呎三,面細,架眼鏡,頭髮蓬鬆及有點脫髮跡象。跟前中女同事講起,她都話女人好少有呢種情況,認為比男人更難堪。




近日公司的一次資料搜查,無意間發現女同事比我要大三年!我初時以為女同事應該跟我年紀差不多,但無諗過大家會相差一條 Generation Gap。而家諗深一層,望見她做錯嘢俾人鬧,有時都覺得幾可憐!三字出頭,依然被人感覺矇下矇下,結咗婚有老公養就另計,但敗犬做唔成女皇,而工作上又無成功感,生活應該都過得幾辛苦。

復活節前問女同事「放五日假去邊度玩?」答「無咩地方想去,留響屋企煲幾套劇喇!」我話「咁浪費?行下山出下街都好喇!」答「諗下先…..」

放完假,我問「有無煲幾套劇先?」答「有!」再問「咁有無出街行下」答「……… 都有 …」

唉!做唔成敗犬女皇就要改做宅女?唔好喇掛!你估你真係楊丞琳咩!
[PR]
by karvitz | 2010-04-10 20:20 | :: 日記仔女