:: 女同事.五.終章前篇



我諗每間公司的醫療制度都差不多,不是全資助就是半費自選醫生,最差的情況就是無醫療保險,即係病到死,睇十次醫生都無得 Claim 的無良公司,而本人第一份工就是推行呢個計劃。

現時公司是醫療全包的,診金及藥費都不用員工付。女同事條火星筋戚一戚,擰轉頭問咗我一句「我去睇中醫,公司有無得 claim 返錢?」我當場呆咗,之後答佢「無可能喎!」佢再問「唔知西醫唔會轉介病人去中醫呢?」我心諗「唔好玩喇!」

女同事仍然死心不息繼續自言自語「咁自己唯有與中醫長期戰爭喇?」我覺得女同事應該是身體比較弱,或只是要長期服藥調理的女人病,應該是無大礙的。

就在此中醫事件發生後的幾天,最大礙的事情出現了。

上司突然走過來我的位,不發一言地向我做了一個斬頭的動作,之後就指向女同事的座位,再加多一句「你睇緊點佢的工作,呢件事暫時要保密!」唉!山雨終於都欲來了………
[PR]
by karvitz | 2010-05-01 23:22 | :: 日記仔女