:: 日麗遊



用風和日麗來形容過咗去的星期日,簡直是貼題到爆。反思一下香港已經愈來愈少藍天,空氣指數高企跟自由行來香港掃五千九蚊個手袋都嫌便宜的同胞都是一樣從大陸來的,唉!掃興嘢唔講。



週日咁好天氣,當然不應屈在大商場嘆冷氣,外出曬曬太陽才是正路。從南昌站出發,買一日票乘西鐵到屯門,再轉輕鐵到屯門碼頭。沿海傍小徑向前走,看過對面岸,都尚算清晰地見到東涌,証明天氣真的不錯。





在蝴蝶灣沙灘落腳,泳具泳裝一概欠奉,隨便找個樹蔭底坐下來,一邊曬太陽,一邊吹海風,真夠悠閒。



下一站轉戰元朗,逛過人多都癲的大馬路,吃過佳記甜品,行過屋村商場,見累了便乘輕鐵回元朗西鐵站再轉車回南昌。





講了一大篇,除了想講好天氣到不得了之外,我還想誠意推介南昌到屯門的西鐵一日票,廿蚊雞玩盡屯門元朗,嫌唔夠喉,仲可以行埋屏山博物館、濕地公園、錦上路跳蚤市場及荃灣西,假如慳家到自備水及乾糧,廿蚊夠玩晒半個新界,真係抵過去世界肉搏會迫。
[PR]
by karvitz | 2010-05-05 22:01 | :: 日記仔女