:: 垃垃圾.立立雜



.女同事終於都安然步過 Last Day,但在最後一刻,公司突然通知 extend 她的辭職日,繼而想女同事接受一個新 Offer。細節我唔太清楚,可能是兼職模式,但就絕對不會再與我拍住工作。是好還是不好,留待女同事幾日後放完假去完旅行後就知道。

.股市又跌,真係買咩就跌咩,好難在逆市中賺錢。 (我只係普通股民,什麼期指槓桿,我一概不懂。) 查賁我買來賣去都只是幾隻股票,而且更是內銀股。呢類股夠晒穩陣,跌極都有個譜,而且定期有不錯的股息,真係好過將錢放在 Saving 。

除了聽朋友講投資過兩隻的細價股外,而家都仲有一隻中資股坐緊艇,由十蚊跌九蚊再跌到八蚊後落七蚊,究竟跌完未呀!



.歐元跌到九個半,有無人有興趣歐遊一下?同事試過坐國航去德國,服務及客人素質都話唔錯,四千多連埋稅真係算幾超值喇!

.上星期六約咗幾個朋友去行商場,未到集合地點之前,我獨自行咗一轉信和,手痕痕又買咗隻碟。走出信和,其中一位朋友,之前大家又做過同一間公司的朋友打過來問我到咗未,當我正要回答之時,我抬頭就見到一個魁梧男望住我,我再望一望先記起原來係舊同事 - 溫生。

那一刻感覺好奇怪,當年三個坐埋同一個房做嘢的人,而家一個在面前,另一個在電話旁,彷彿同時間相遇一起,離奇過小說。你以為我會上前示好?錯喇,我望完之後立即轉身就閃,因為當年都真係唔太熟!

之後,跟電話旁的朋友提起我撞見溫生,佢竟然問「邊個來?唔識喎!」我花了很多唇舌她才有丁點眉目,OK,你咁薄情,大家共事過一年都唔記得,你贏!
[PR]
by karvitz | 2010-05-27 23:11 | :: 日記仔女