:: 《Hot Tub Time Machine》


老實講,如果要自己摷荷包入場睇戲,要揀,都未必會揀呢套。

原因?先睇海報,九唔搭八的湊拼。再講中譯片名,什麼回到 80 後,好似好老土喎!最後睇卡士,望完幾位主角都沒有大牌 (但我知美國本土是有名的),咁樣的排場,我諗只會吸引一班熟客仔入場,要大賣?很難!

朋友邀看優先場,一如以往地抱平常心入場,點知笑足兩個鐘。




成個故事根本好老土,三個老死成長後都鬱鬱不得志,一個俾老婆飛,一個就卑躬屈膝做獸醫助理,另一個的生活就如爛泥般最後更匿埋車房自殺。

就係呢單自殺案,三位老死再聚埋,一齊返番去他們年青時代曾經放蕩過的那個滑雪場。可惜當年繁盛的地方都變頹x 敗瓦。他們特地租回那間有窗外暖水洛缸的房間。一晚狂歡後,幾個人浸在浴缸就突然回到一九八六年,是他們十五二十時。

呢套戲之所以好笑,因為去得夠盡。粗口滿場飛,但並不代表粗俗,而且仲有幾個場口用得好好。而酒店 Bell Boy 斷手幾幕更是超級癲喪,既殘忍又爆笑,而洒下鹽花開下咸濕笑話當然少不了。

戲內還有很多超頂無聊的情節,例如iPhone 、Lougle及〈Let’s Get It Started〉都好攪鬼,實在笑得好開懷呢……

呢套戲值得推薦予一批喜歡睇無無聊笑到反肚電影的朋友。XD
[PR]
by karvitz | 2010-06-05 15:07 | :: 日記仔女
<< :: 一零音樂.十七.MC J... :: 小學雞 >>