:: 氣都喘

《Hot Tub Time Machine》裡面,三位老兄回到過去的第一刻就衝去滑雪,在左衝右撞下都絲毫無損,還講咗句「好似全身都充滿力量」。對!呢一刻我有同感。

幾年前一個人揹個背囊遊布里斯本,由朝早八點幾出發,一直勞碌到夜晚九點先停低休息,中段不停行不停睇,賭場、花園、百貨公司及汽車交匯處都用自己雙腳走過,死撐又好,真正撐得住都好,我係真的行足一日。

近年都同樣咁揹個背囊去吉隆坡,勞碌大半日已經要叫停,雙腿酸軟不止,雖然不排除是增磅的後遺,但不得不承認是老咗,無咁捱得之餘,而且新陳代謝都慢鬼晒。

又差唔多時間進入另一個 Age Group,睇來我都有做多兩手準備,為免讓月巴偷襲成功,我都要繼續努力多做運動,希望一年過後,我可以精壯過那班每個星期都約埋一齊通山跑的叔叔伯伯就已經夠!
[PR]
by karvitz | 2010-06-15 22:13 | :: 日記仔女