人気ブログランキング | 話題のタグを見る

:: 正字遊戲

我有理由相信一班中、下層的市民,普遍是不喜歡現有的香港政府班子。先說特首,在辯論時被針鋒相對就黑面,過後在記者會時被吹捧就談笑風生,洋洋得意四萬咁口,厚此薄彼咗少少喎。再加上《起錨》行動太秀了,要親民就先應該把警察全撤,任由一眾反《起錨》的同盟近距離辱罵或讓一班支持政改的朋友親近地了解多些。趁機會反客為主,有時做可憐虫比當皇帝可能更搏取到支持。而家的感覺就誓要做到高高在上,既不討好既又不好睇。




再上一班高官的落手落腳攪衰,最重要人物當然是唐英年。洗樓宣傳《起錨》就是是但但訪問十幾戶,你估而家係太平紳士落區玩特赦,要市民自動開門仲要跪拜你要求你快點《起錨》,真係痴鬼線!仲有在塌樹一事中,又失言。一句「打風落雨都有塌樹」呢句都真係夠痴線,而家死咗人呀,唔係趺咗塊樹葉落來咁簡單呀!又失言又失分,我勸唐司長都係早點回家做返上等人,養下馬打下波,再養多兩隻〈富士晨曦〉幫馬迷贏下錢就算喇!唔好再攪臭個社會喇!

但一班社民連的都唔抵幫,太激進係會引起注意,但同時亦會令人反感,取唔到平衡時反而失埋重心,一下就會跌死。而呢次辯論,一班八十後及社民連都靜靜地睇電視叫口號,安安靜靜咁咪幾好囉,每次都要警方清場,市民又會嫌你地麻煩喇!

囉嗦完,總結都係呢句,我寧願原地踏步,亦不願行錯一步。

贏晒!
by karvitz | 2010-06-19 23:57 | :: 日記仔女