:: 巴塞之旅.補飛篇。

每次旅行完返到屋企,總覺得路是走多了,但相就始終拍得太少,如上山的小路,又或是地鐵站的彩繪都忘了拍照留念,回港後想跟人分享,但卻相無對證,齋講始終都不及有證有據咁實在。

而家好喇,有Google Map!只要在馬路旁,無論是商廈還是食肆都一一攝入鏡頭,沿著牆壁就可搜索到遺跡,真夠方便。而家就容我試試用另一個角度再分享兩年前的巴塞隆納之旅吧!


:: 行得最多次的商場。最後一日在地底超市掃手信,包括四十幾蚊一盒的萬樂珠香口膠及一盒六枝的香草味珍寶珠。


:: 電車站等車返酒店,試過夜媽媽等咗十幾分鐘先有車,驚驚地。





:: 行完奎爾公園,就在呢間餐廳食咗個九十蚊的 Set Lunch,有沙律有寬條麵及芝士蛋糕,大滿足。


:: 亂咁行,走入咗呢間地道超市,頗細間但絕對有當地的風味。


:: 呢條斜路向上走就到酒店,第一日到埗又累又唔太識路又曬,差點行到嘔。


:: 巴塞的 ZARA 總店,因為時間唔夠,在門口打咗 2 個轉就走,可惜。


:: 地鐵站出口,朋友突然胃氣漲,在呢個位大大力咁 " HUR " 咗幾啖超大聲的氣,勁!


:: 最後一張,行緊去大教堂。因為腳又痛又懷疑蕩失路,坐咗在呢個位發咗一次脾氣。而家諗返其實好錯,但就係因為咁,我好好好記得呢個位!(講真,發緊老脾又點會仲有心機影相留念呀)
[PR]
by karvitz | 2010-06-30 23:55 | :: 日記仔女