:: 俟風。


電話的用途就是電話,接得通打得出就可以,如果要 add on,我只會揀播歌聽歌。

iPhone 當道,排隊等車見人玩,食飯搭檯又見人玩,睇睇下又覺得功能夠全面,又有大量無聊遊戲玩,真係幾唔錯。

講你知,我發夢試過執到部 iPhone,但未摸熟就醒咗,春秋大夢做唔成。

幾日前,我真係執到部 iPhone 喎!




當日放工搭巴士,坐隔離的肥仔揸住一袋兩袋,論論盡盡咁喇。上車無耐我就已經大覺瞓,直到巴士過咗紅隧,肥仔轉咗去前面坐而整醒咗我,之後我望一望隔離個位。

嘩!iPhone 呀! 我絕對無掂過,我心諗「咁大曚?三千幾四千蚊就咁跌咗?」惻隱之心大過惡魔呼喚,我望多兩眼之後就拎起部 iPhone 行前去俾返個肥仔,呢個時候佢仍然都未知電話跌咗,唉 ......

講真,如果我執咗之後就賣咗去,銀包係多咗幾千蚊,好開心。但我個心就會俾好多石頭壓住,辛苦到過唔到自己那關。

食幾多著幾多係整定的,你過幾年後失業 / 失戀的果,可能就是今天執咗部 iPhone 的因,各位朋友,小心喇!
[PR]
by karvitz | 2010-07-21 21:30 | :: 日記仔女
<< :: SALT :: 一零音樂.二十二.側田《... >>