:: 內幕貼士?



馬季又開鑼,雖然不是滿城盡講開鑼日,但四面八方的消息都讓我感覺到悠長的新一季又開始了。

開鑼日前一天,我在公司大堂聽到一位高層跟保安員在討論馬匹的爭勝機會,高層說十場十一號,蔡明紹食尾糊,拖返「高一線」應該無走雞,話晒高層都有大班馬主朋友,保安員就信到十足十,努力地記低呢場內幕貼士。

OK,我唔信無跟風,因為尾場我屬意另一匹熱門馬,4 號。




朋友知道開鑼在即,在MSN 問我拎貼士,我跟佢講心水十場 4 號。星期日跑十場,跑到第九場時,朋友MSN 在線要求我幫佢下注連贏 4號搭 9 號,單T 4 號 6 號及 9 號,共二十蚊。咁我好負責任地問清楚,你想我幫你買第九場定第十場,佢話第十場,OK,廿蚊幫你買。

之後個故事係……… 第九場跑 4 號 9 號,買十蚊中二百蚊,單T 跑4 號 6 號及 9 號,買十蚊派二百六十蚊。哈哈,真攪笑,如果朋友同我講買第九場就全中,落注廿蚊收返四百六十蚊喎!但可惜唔係 ……

第十場開跑,高層內幕料全輸,我隻心水 4 號就跑出贏咗有錢收,而朋友下注的廿蚊就係泡湯!

運氣呢家嘢整定的!朋友,願賭服輸呀,廿蚊即磅,唔好拖數,唔該晒!
[PR]
by karvitz | 2010-09-06 21:42 | :: 日記仔女