:: 我買老翻。
呢個題目夠雷人嗎?



昨晚途經深水埗北河街一帶,人聲鼎沸,有數十個地攤檔在叫賣,圍繞著半個北河街街市。他們賣的都是二手書二手電器二手碟二手遙控二手火牛二手電話二手文具等等,總之就係二手。雖然不是凌晨時份,但我都統稱此為天光墟。

那種氣氛就似農曆新年行旺角行人專用區,小販檔任意叫賣咁,但呢邊就看不見他們的快樂。擺檔的大部份都是中、老年男士,其中夾雜有一家三口在賣文具,小朋友約三歲坐在旁邊,父母親都是只是三十餘歲,不知道他們背後的故事,但我卻覺得苦了那位小朋友了。




走到街尾,有個婆婆在低聲叫賣,她賣的是不值錢的遙控及一大堆老翻。婆婆見到我駐足便向我說「碟一蚊一隻」,那些又爛又霉的老翻其實一個崩都唔值,但見到婆婆一把年紀都盡綿力為自己生活打拼,我就隨手執起十隻。十蚊雖然唔算多,但對於婆婆來說,搵多一蚊就多一蚊生活費,我寧可幫這些依然肯盡力搵錢的人,都不會幫那些有手有腳瞓響街乞食的無用人。

生活是逼人的,我大概不明白為何這些老年人在年少時不積蓄防飢,就如見到一代香港球壇王子譚兆偉一樣, 當年風光過、chit 吒過、紅過、賺過…… 到最後竟然潦倒收場,仲話要輕生,我真係又唔明白。

Anyway,我知道我買老翻係錯,但呢種老翻,我落意幫襯,希望婆婆昨晚收入不錯就好。
[PR]
by karvitz | 2010-09-18 00:40 | :: 日記仔女
<< :: 一零音樂.二十九.Rub... :: 一零音樂.二十八.《新歌小說》 >>