:: 病有感。
d0039085_12377.jpg

病有感。 

都怪自己貪玩之故。舊菌未清,跟住又四圍玩,最終咳咳咳咳到而家都未斷尾,但已經見到病好的種種跡象。

先探討下食藥的問題,細細個睇醫生,大部份藥都要求餐後服,做病人的當然乖乖服從,況且我唔怕吞藥丸飲藥水,所以一向都可以依時服完。到咗唔知幾時,服藥的時間已經變得唔一致,就好似止鼻水藥,要餐前三十分鐘至一小時服,而止痛藥就要餐後服,有某幾種藥力重的就要睡前服,五花八門,要準時食晒所有藥,真係好難。

每當我的感冒去到尾聲,謝幕前的幾鏡必定是大力的「呻」鼻涕,是鼻涕,帶黃帶綠杰撻撻的。但大家又有無諗過到底鼻涕係咩嘢味呢?呢個情節好核突,我明白,但我想講,鼻涕跟痰其實係來自同一家,耳鼻喉通的理論下是絕對合理的。就是因為咁,將最毒的痰咳出來就代表病情會轉好,同時,我將鼻涕「呻」出來,亦代表著我的病已漸入佳景,希望農曆新年前病好,新一年健健康康就好。

又夠鐘食藥喇!
[PR]
by karvitz | 2011-01-19 23:39 | :: 日記仔女
<< :: 2011 音樂結集.二 :: 2011 音樂結集.一 >>