人気ブログランキング | 話題のタグを見る

:: 癖。

癖未必係一定跟住個怪字,但通常都會。

:: 癖。_d0039085_23552118.jpg
飛機餐

朋友出門旅行,問我要咩野手信,通常我都答隨心就可以,真的無咩所謂,一番心意呢樣野,無謂變咗人地的負擔。我雖然唔要手信,但我通常都會叫佢地影兩張飛機餐的相俾我睇。一來想八卦下邊間 airline 個飛機餐最好,二來就想睇下有咩野食,例如印度航空是否食咖哩、大韓航空又是否會有人參雞咁!到現時為止,我覺得賣相及味道最好的,應該非 ANA 莫屬。

午飯前不會咬香口膠

( 雖然有食早餐,但我認為太早就咬香口膠會特別傷身,尤其是爽浪類的刺激性。但全都是我自己認為,係無科學根據的。)

念舊

(美其名是念舊,實情係喜歡儲有感情的垃圾。就如七年前買道地綠茶送了一個小錢包,有次旅行好順手咁拎去當散銀包用。久而久之,每次出國都習慣帶埋佢。前兩年拉鏈爛咗,就是因為它陪過我去很多地方,不捨得隨便丟棄,咁又多一件有感情的垃圾。因為當年是送的,抱著用爛咗都唔會痛的心態才會帶出國,點知到最後竟然捨不得,是斯德哥爾摩候群症的一種嗎?)
by karvitz | 2011-02-24 22:40 | :: 日記仔女