:: 一些生活.III
d0039085_2310165.jpg
老友 P 的生日飯大部份都揀日本菜,無深究過點解,但一班朋友普遍都接受。

今次選任飲任食的中價日式放題,三文魚超厚切,是我吃過最滿足的一間放題。餐牌上還有在放題少見的海膽手卷及日式清酒、梅酒任飲,算是有點驚喜。

吃到中後段,老友 P 問「手卷的紫菜好脆好好食,唔知可唔可以齋要紫菜呢! (因為任食餐牌無) 」經理話無問題,三片紫菜速速遞上。另外一個老友又想問「蟹柳好好食,唔知又有無得齋要呢?」其實我聽到個經理都火火地,我認定心裡面那句係「你地班死嘢!得寸進尺咁離 x 晒譜」,之但係經班講出口係「唔…… 其實係唔得的,但今日我俾個優惠你喇!」之後經理死死氣地 (感覺上) 拎住一碟蟹柳過來!

查實我聽到都覺得唔好意思,但女士們就有這樣的膽量,真係服鬼咗佢地。呢班………… 就係我由細玩到大的朋友。
[PR]
by karvitz | 2011-02-27 22:06 | :: 日記仔女
<< :: 2011 音樂結集.七 :: 癖。 >>