人気ブログランキング | 話題のタグを見る

:: 一些生活.V

:: 一些生活.V_d0039085_0144345.jpg
續篇不是被騙或遇到壞人,而是在搜查小桌子期間,我同時搜了有無人會放麻雀出來交換。

嘩!多不勝數,水晶面、Hello Kitty 款、全新的、崩角的都有,任君選擇。我用五十蚊超市現金劵去換,抱著一試無訪的心態,OK,我都明白是有點過份,所以無人回覆及反對交換的人有很多,但翌日查電郵,吓!竟然有人肯換,當然立即聯絡上換家。

聽語氣及口吻應該是媽媽級的女士,很有禮貌的,我當然也彬彬有禮。問及幾句麻雀的狀況後,她說「應該無崩、無爛,只不過可能太耐無打有點黃。因為呢,副麻雀係搬屋時朋友送的,打過一兩次就放咗上櫃頂,之後一直都無拎過落來喇。」我好有禮地回答「哦!係呀」

之後佢繼續講「但個鐵盒就可能殘咗小小,你唔會介意呀!不如咁喇,我幫你拎個膠盒入住 D 麻雀,個盒就唔好要喇!我都有膠盒可以裝得晒!呀!倒不如俾個大的環保袋你,成個箱袋晒落去喇!」我答:「無所謂喇!最緊要方便拎走」

會唔會覺得位媽媽太 over,講得太多?但我覺得呢種溝通方法幾好,雖然說話多了,但她完全是有放個心出來交換而唔係懶懶閒講多句都嫌費事的。唔唔,新一年果真有一個新開始。
by karvitz | 2011-03-09 23:10 | :: 日記仔女