:: 素質。
場景在港澳碼頭,正排隊買換船票到澳門。

排隊的只有小貓三四隻,而且大部份都是憑團購網站的信來換船票的,包括我。在最右手邊的櫃台貼了團購網站的標誌,讓人聯想到換飛就應該在這邊。由於該櫃檯正客人在換飛,另一服務員便著我到隔離的窗口先攪預訂手續。

辦好預訂手續,服務員就叫我暫時企在櫃台隔離等,期間,有個肥佬走埋來在換票的櫃台後面排隊,當前面的人出票後,服務員便請我到該窗口出票,就係呢個時候,肥佬就大大聲講「頂,我排先喎!我一直都排緊呢條隊喎,佢都無排隊,點解要俾佢 (我) 換先!」服務員無出聲,著我行過去櫃台出票。

肥佬繼續大罵,服務員做了個難堪的表情,我順勢就讓予肥佬先換票。唉!好地地都要爭,真係點解咁無謂!肥佬換好票後,服務員不斷咁同我講唔好意思,我都明白唔關佢事所以不斷咁回應「唔緊要」。換好票之後,佢仲連聲多謝前多謝後,攪到好似好唔好意思咁。

又是素質的問題,如果香港有難,亂是絕對會發生,架亦是會丟的,但我們無辦法,因為……… 我們已經被國內同袍同化了。
[PR]
by karvitz | 2011-03-24 21:07 | :: 日記仔女
<< :: 保險 :: 鹽三鹽四。 >>