:: 做個好榜樣!

話說今早接到 order 要通知同事到某部門幫手 pack / wrap 大量的貴重物品。原定是人手安排是沒有這位中層的,他自告奮勇地走到包裝現場,領著最 fresh的同事一齊工作。

半個鐘頭後,有同事親眼目睹中層用力的表現將一枝可摺疊九十度的物件屈成一百八十度,繼而斷裂。新同事因咩都唔識而無特別反應,但身旁的一眾同事看到此情此景就已經開始竊竊私語。

係!不足半個鐘頭,這件瘀事已經傳返到部門的辦公室,各同事都感嘆連連道「佢都唔係第一次喇」、「食野唔做野,做野打爛野咪係呢樣囉」、「仲話教新同事做野,教破壞呀?」笑聲跟感嘆聲此起彼落!

故事仍在發展中,公司是否要賠錢仍然未知,但同事屬意把這個爛攤子「賴」到該公司因運輸問題而破爛!唉!

一個人的人緣有幾差,睇下佢的衰事通傳得幾快就大概知道。
[PR]
by karvitz | 2011-06-13 23:58 | :: 日記仔女