:: 幫.唔幫

話說有個親戚,每次出外旅行都會搵我幫手睇狗,即係餵下狗糧、清下便便及同佢地玩下咁,每次我都是樂意的。

這個星期他們又出發了,臨急臨忙才叫我幫手,不想托手踭但今次真的唔想幫。

第一.他們搬新家,兩隻狗狗可能未習慣新環境,有試過在夜晚亂吠,被鄰居投訴過。我今次就不止要照顧牠們的起居飲食,而且仲要留宿陪訓,怕牠們夜晚生事。

第二.留宿產生的問題。每朝要迫完地鐵再迫巴士先返到公司,前計後計要接近個半鐘,且未必有位坐,即係罰企到返公司,真係辛苦囉!加上咁岩又打風落雨,更加麻煩。

第三.星期五、六、日的私人時間可能全部要清空。已說過這幾天都有事要辦,玩得太夜就未必留宿,但親戚都是不放心怕狗狗亂叫,都想我在節目後都返到新屋幫手睇狗,咁即係間接要我取消或提早散場,唉!

一直都想講大話話唔得閒唔想幫,但最後都無奈接受,本應今晚就開始湊狗之夜,但天無絕人之路,親戚突然來電說不用湊,找到合適地方暫時安置狗狗!呀…………
真係好!一天都光晒!

說到底,其實應唔應該幫?
[PR]
by karvitz | 2011-06-23 22:57 | :: 日記仔女