:: 新聞女王。

謙謙眼濕濕地講,他用力 (不是暴力) 對待傅擰是因為她偷看他的電話。

噢!傅擰一定無睇過「老死」 Stephy 主演的一系列葉念琛電影,偷看電話的死罪,在電影裡老早就說過,就連歌仔都有得唱「無論熱戀中失戀中 都永遠記住第一戒 別要張開雙眼」,睇到都要扮睇唔到,可惜傅小姐睇到之餘仲要發大來攪,你不仁我不義,影返幾張有瘀傷的相先,再慢慢煎熬你折磨你攬住你,係!攬住一齊死個攬住。

噢!原來兩個人都係同一間經理人公司,怪不得公司立即插手干擾喇!左手打爛右手個飯碗,右手又打爛埋左手隻碟,咁攪落去,兩個藝人個名都臭晒,何來有 job 接,何來有錢賺!shit  呢句幫經理人公司老闆講的。




本來只是兩個人之間的感情事,因為有人處心積累而攪到全城熱哄,原來想出名、上頭條可以好易,但可惜紅了三日,公司急急照肺,星途由一片黯淡變成更黯淡,真無謂。

呢位女仕,出賣感情 / 友情來做新聞都不只一次,真不明白當年楊千爸要咁撐佢出碟及何韻姨點解跟佢咁老死,幸好她們早跟她脫離朋輩關係,否則……… 她們好大可能又會成為這位小姐的造新聞受害人。
[PR]
by karvitz | 2011-09-02 15:53 | :: 日記仔女