:: 公事公辦。
朋友轉東家剛十天,公司就已經為「人事」而開了兩次大會,而所謂的「人事」,超雞毛蒜皮,話過你知吧!

第一次:全公司得四個人,經理因病請假幾天,一位上班不夠兩個月,職位上比較高級的就暫替經理位。有一天,年資長的清潔阿嬸就跟這位較 Senior 的同事嘈起上來,為的是 ----- 「阿嬸放工無同佢講拜拜」。第二日Senior 竟然向大老闆投訴話「阿嬸放工無同佢講拜拜」(超小學雞行為), 最後大老闆要在放工後開會拆解。





第二次:公司攪活動,Senior 無通知清潔阿嬸要出席。阿嬸見唔妥就打電話俾大老闆問 (因為細公司,所以地位職級只係銜頭,實屬似一家人) ,老闆話梗係唔得喇!之後 Senior 知道呢件事後,同阿嬸又嘈「你到底有無尊重過我,我唔叫你返,你唔識自己問返我咩!」,跟手兩個就罵來黑去,最後阿嬸講咗句「痴線」,之後個 Senior 又向大老闆投訴,為的是 -- 「痴線」兩個字。

你覺得點…… 呢個 Senior 都係返工不夠兩個月暫暫擔大旗就以為自己上咗位發晒癲咁 (我相信個清潔阿嬸都有錯 ,但實情做的事比小學雞更小學雞。朋友話老闆對住佢 (Senior) 的語氣已經無初報到咁好!

萬幸我遇唔到呢類同事,否則心血都少九成呀!
[PR]
by karvitz | 2011-09-20 21:44 | :: 日記仔女
<< :: 燒豬。 :: 煲。 >>