:: 粒粒皆辛苦。

有段時間無講過工作事,今次想拎個八十後出來講。

他不是直屬我們的部門,但有部份工作因為重疊,所以同事們都要經常跟他溝通,且大部份時間一齊食晏。他在工作上做「細」,所以上頭有吩咐就要做,自己話事的情況不多;反過來,一到佢有話事的時候,例如食飯、行街、買嘢,他本身的性格就完全表達晒出來。

我最接受唔到的是他在午飯時,終日都叫餐廳的人加飯,加飯無問題,肚餓食多碗當然可以,但大部份時間,佢都係食剩,而且仲食剩好多 (點平常份量唔加飯都得)。大家已經同佢講過好多次,考慮清楚先叫加飯,但有時佢拋低一句「咁我有俾錢架!」就算,同事們都無佢符,咁無衣食的人,老咗無飯食的人可能就係呢類!

唔知「誰知盤中飧,粒粒皆辛苦呢?」呢課書而家仲無教呢?
[PR]
by karvitz | 2011-11-16 22:52 | :: 日記仔女