人気ブログランキング | 話題のタグを見る

:: 發你個夢。

:: 發你個夢。_d0039085_2374681.jpg
成日都聽朋友講發夢的故事,天花龍鳳咁記得好清楚,但對我來講,大部份的「夢」都會隨瞓醒而被自動刪除記憶。我唔知道咁樣係正常正唔正常,但近幾日瞓醒回過神的時候,夢境仍然記得好清晰,點解呢?係因為發夢時間仍留在淺睡狀態?還是我根本呢幾晚就瞓得唔好?




近幾晚發過的夢而又記得好清楚的。
1. 從旺角地鐵站 A 出口離開 (附近環境絕對唔係旺角) ,在附近兜左一個圈之後,想由 B 出口入返地鐵站,點知就話地鐵出事,咁我就行去附近搭小巴,驚覺自己原來在山頂,幾條小巴線的目的地完全係陌生的地方 (我好似有拎過 iPhone 出來㩒搵路),之後隨便上左一架,外面仲落太雨,之後一個轉彎我就醒左喇………

2. (呢個夢比較模糊) 先是記得有個女人去間雜貨鋪賒數,之後雜貨鋪個女話 OK 之後個女人就急步走咗!我一直係企係雜貨鋪裡面,過左一陣,雜貨鋪向前郁,我望清楚原來雜貨鋪係火車的其中一節車箱,而家就岩岩開緊車。我走前走另一車箱,望到一個只係網上識的朋友坐係車卡度,我同佢都有講有傾,之後另一個朋友走入來,我叫左句「幫我地影張相」,佢拎起左相機但無幫我地影到相就發老脾走左去 (呢個朋友真係都係中意發老脾的) … 又醒

3. 呢個係昨晚的!昨晚就返左娘家瞓,在夢中亦夢到自己在娘家。朝早起身見到朋友對波鞋有撻可樂漬 (唔知點解會夢到朋友對波鞋!奇!),細佬行過見到俾左樽野我抺,我問佢咩野來,佢無出聲做口形講左「雙氧水」三個字,之後佢就行開左,咁樽野又真係去到撻漬,犀利…… 之後又醒左!

有無夢仙可以解下夢?同埋…… 我究竟係唔係瞓得唔好而導致發咁多我記得的夢呢?
by karvitz | 2011-12-15 22:15 | :: 日記仔女