:: 我有一個家。

呢篇野其實跟個點題係無關係,只係食個字。

d0039085_22111467.jpg
男人最忌小家,在尤其在女人面前小家。無論是錢銀,還是面子,總之稍一不夠大方,又或是太厚顏,醜事自然就會傳千里。

話說朋友的公司初八啟市,理所當然地互相拜年及逗下利是。有位未婚、年豹三十多、隔離部門的中高層男同事,平日很少接觸的,他竟然老遠跑過來一輪咀咁「恭喜發財年生貴子大吉大利」。眾女同事當堂突晒眼,皆因呢位男同事平日都無兩句來往兼人緣差,竟然咁厚顏跑過來逗利是。




眾已結婚的女同事迫於無耐都要利利是是咁「打發」佢走。過後大家就竊竊私語,又話當俾乞兒,又話俾錢佢睇醫生等等難聽的說話,新年流流咒人,感覺真奇妙。

結論:中層男同事好明顯唔識做人,而且交際手腕更一敗塗地。做人應該有個定位,更應知道自己的位置,平日無貢獻者的就切勿希望有人會為你留飯餸。埋怨新年流流被祝「冚家富貴」?其實大多數都係咎由自取,與人無尤的。

所以,男人真係唔好太小家。
[PR]
by karvitz | 2012-02-01 21:09 | :: 日記仔女