人気ブログランキング | 話題のタグを見る

:: 記.謝.記。

:: 記.謝.記。_d0039085_082792.png

這個年代,看見一間又一間的老鋪執笠,大家都異口同聲地說「好可惜,一定係被加租迫走」。香港仔山窿謝記魚蛋做到三月三十一號就關門大吉,從此香港仔又少一家老字號。

在南區住了二十年多,到訪謝記的次數應該不多過十次,且有幾次跟慕名外來的朋友 (外來泛指住非南區人) 一齊食。對南區人來說,謝記開價偏貴,座位超密雜,屬轉個身都難那款;大家都認同味道方面只屬一般,在香港仔可以找到一兩家比她更好的,而有名的魚蛋及魚片 (新鮮製的炸魚片是我認為店內做佳的) 則最對辦。

微博朋友問,值得在關門前到來一嚐嗎?我老實地回答:「不用」,假如你對謝記沒有舊情懷,山長水遠來到吃碗憑弔的魚蛋麵,可能真會有點失望。但如果一場來到香港仔,我倒想介紹大家試一試艇仔粉。




艇仔粉早幾年已寫過,相片亦被人左抄右抄,但依舊值得講多一次。

船家在艇仔煮粉,賣的是新鮮的燒臘,她們以前是在避風塘穿船過艇賣粉,如避風塘船少,她們就泊在公眾碼頭做埋陸上人生意,所以艇仔粉是屬於不定時不定位開檔,要食就要講小小緣份。

山窿謝記魚蛋炒係出名,但如果講到好食及風味,我始終都係推介艇仔粉。
by karvitz | 2012-02-24 00:15 | :: 日記仔女