:: 婚禮的祝福。
一次婚事變成了一樁被人茶餘飯後拎出來講的醜事,全因都是一對新人縮骨慳皮 (錢 + 氣量) 。

初中已經跟新娘認識,一班朋友不收分文為她當姐妹及婚禮上的佈置加統籌,由一年前公佈時的雀躍到而家的氣餒,無非出於兩個字「縮骨」。

首先新娘不負責兄弟姐妹的服飾及化妝費,一班姐妹最後力爭才有一百蚊咁大把的津貼。第二,一對新人竟然想慳返那筆在婚禮前,兄弟姐妹見面的那餐飯!(就係因為呢餐飯,新郎跟其中學同學幾乎鬧翻面!)

之後,夫妻們打算不租旅遊巴,叫兄弟姐妹及親戚朋友自行坐的士去酒樓作準備,之後一班朋友力勸才改初衷轉租旅行巴,但最新消息又話唔租旅遊巴,當日一早會 Call 定幾架八折的在女家樓下等喎!




再且,沒有了旅遊巴,新娘的服飾、紅酒 (新娘自己從網上買!)及其他婚禮用品,在接新娘返男家後,暫存在哪?新娘一句「叫班兄弟暫時搬晒返男家先囉!」(兄弟除了要玩遊戲外,仲要做埋咕喱!)仲有好多勁慳家例子,如「送」予兄弟的作服飾的呔只值七蚊及婚禮上用的絲花裝飾要大家小心處理,因為婚禮後要拎返上網賣俾人

最後令一班姐妹覺得氣憤的是要她們在一對新人入場前跳舞 (原先安排只係慢慢行進場) ,音樂用上 Lady GaGa 的〈Bad Romance〉,眾姐妹嚴正地作出反對,可惜新娘一意故行,推說「你地彈下彈下入場咪得囉,唔使好勁跳!」我心諗「一班姐妹咁唔情願跳,個場面會好睇嗎?唉!」

班姐妹由最初唔計,到呢一刻終於頂唔住,大家商量「人情」應該做幾多,由原先的一千,減到八百,再縮到送部爛鬼電視 (襯返佢地「縮」的性格)。

我覺得婚禮唔一定要豪洗,但有些錢是一定不能慳。兄弟姐妹伴郎伴娘為一對新人辛辛苦苦咁打點,最後換來的是唔受尊重及唔接受意見,大家點會幫手幫得心服口服?

星期日就係大婚之日,情況有幾槽,好快就會知。
[PR]
by karvitz | 2012-03-09 20:28 | :: 日記仔女
<< :: 春嬌與志明。 :: 一些生活。 >>