:: 初會台牌。

朋友終於有時間帶我去見識台牌的威力。

跟一班素未謀面的朋友打牌,開場時總有點怯,今次就更怯。

一落場就即輸一鋪出沖,即刻就要學畫三格係面前計數。一個東,有三鋪都關我事,未定神就已經先打八十大板。看著十六隻牌實在太忙,規矩又多,麻雀又細隻,顧得此又失彼,咁雀友們都明白我處子下場,好多情況都無罰我,但自己就覺得超唔好意思。

我講到明打八圈就要離場,輸贏都好,只過手癮。

面前的三格好快畫得滿滿的,輸得最甘係出沖一鋪混一色,大概幾十番吧!

我大概夠好彩吧,糊得不多,但大部份都是自摸,誤打誤撞地每鋪都有十幾番,扣返食飯錢,新手落場面對一班獅子老虎都有贏 $16,真係謝天謝地。

兩者比較,我還是喜歡打廣東牌,直接了當,一鋪就一鋪,不用左計右計,又拉又扯,最不喜歡是打完一鋪後才把上鋪結算,整個感覺都好亂,但朋友就是喜歡夠刺激,什麼連食幾鋪就咩野都返晒來。

發了幾個月的麻雀手痕病終於藥到病除,真好。
[PR]
by karvitz | 2012-03-17 00:39 | :: 日記仔女