:: 復活節?
話說幾年前初入職呢間公司時,我須要搵部門 A 的老細,由於部門 A 跟部門 B、C、D 共用同一樓層,在人生路不熟的情況下,我唯有向其中一個部門的同事請教。

還記得當日,我都未問完個問題,從我後面已經有把女聲殺出「有無攪錯,返左咁耐工都唔知部門 ABCD 係邊?」,我擰轉背就只見到一名低級職員行過,我有點氣頂 (因為我真係初來報到不久),但我沉著氣把我要辦的事辦完,回到部門才好好打探此等氣焰女子是誰。

原來此女同事已臭名遠播,以惡見稱,由於其老細照得佢住,所以她的態度一直都無變過。上一年,她更從小職員級別晉升到半高層,有時食飯見到佢,一副意氣風發的樣子,簡直路人皆憎。

當時我心諗「有一個肯孭、有權有勢的上司的確唔同 。」



復活節假後如常開工,同事走埋來跟我講的第一件事係「呢個女同事已經被炒」吓!咁突然?之後連帶個上司都一併即炒,咁好鑊氣連炒兩件?

雖則未到開香檳慶祝,但部門同事都異口同聲講左一句「惡人始終都有惡報」。

真係復活節快樂喇!
[PR]
by karvitz | 2012-04-12 21:49 | :: 日記仔女
<< :: 志寧與春蕉 :: BACK。 >>