:: 惡夢來襲。

d0039085_2222753.jpg

有晚早瞓,五點幾就彈咗起身,見距離七點都仲有一個多鐘頭,便埋頭就繼續瞓,惡夢來襲了。

不是被怪獸追,亦不是從懸崖跌落來呢類惡夢,我得到一個令我覺得恐怖的強拆夢。

話說朋友有一班比較苛刻 / 毒舌的同事,見過三、四次面,印象一般,而呢個惡夢就由她們主導。夢境大概是由我放工返屋企開始,一打開大門就見到一大班人在屋裡面,廁所連廚房都被拆走,只剩下水泥牆。我問朋友佢地究竟攪咩,佢答:佢地想搬過來一齊住喎!




當然我無應承過,同時她們一邊裝修,一邊叫晒其他朋友來開 P,十幾個人擠晒入我屋企,超迫超亂。我忍無可忍之下就鬧走晒佢地,仲叫佢地立即幫我還原個家俾我。她們竟然毫無悔意,更施施然咁走,而更有一個賴死唔走,攤屍咁瞓咗係我張床度,我唯有「的」起佢之後趕佢地走。

當所有人都走晒,我對住間爛溶溶既屋,在慾哭無淚之際,我就醒咗。

醒返第一時間係覺得好彩,只係發夢,雖然係咁講,但我都有走去望下個廁所及廚房,thank god,它們仍健在,望一望個鐘,時間都係六點幾,見仲有時間又繼續再瞓,好彩惡夢已完,謝天謝地。

可能是巨蟹座的影響吧,對家的觀念實在太重要,摧毀一個家比被喪屍追或跳樓都仲要恐怖,唔知第二個星座的朋友又係唔係咁呢?
[PR]
by karvitz | 2012-07-13 22:02 | :: 日記仔女