:: 軟飯?
d0039085_21411099.jpg
講下公司緋聞。

我不是八赴公,所以公司戀事,大多要去到浮面,我先會知道。

近期就有一單帶點藝術家性格的男同事與富家打工女搭上了,道聽途說,她家有錢的程度是每天都有司機接送,手挽的包包價值不菲,但她只是位小職員,跟身份完全不匹配。

此事爆出,成行近期公司的熱點新聞,好些已嫁的女主管級覺得富家女太無志向,同時覺得男同事配不起,還衰到用上「洗女人錢」呢四個字來形容佢。這些說話傳到我邊,我一句就講「關佢咩野事 (咁都唔關我事既)」。

八卦的同事就繼續講「呢個女主管嫁了個醫生,她覺得女仔要嫁一個比自己叻既男人先得!」好彩女主管一早嫁咗,否則呢種口吻活在呢個時勢,我諗下半生注定要住姑婆屋。

反而部門有些男同事有另一種想法,就係「恨」!



係好恨「嫁」入豪門個恨。

不約而同,有幾位男同事都覺得他執到件荀貨,大家同樣幻想著「結左婚可以蹺埋手唔使做兼日玩夜玩」,真係諗起都開心。原本,真係原來,「嫁」入豪門不再是女生的終極夢想,連男生都有呢個想法,是男人個膊頭及腰骨愈來愈唔萎縮,定係搵個有錢人養是大部份人的的夢想,只不過男生少講出口?

你點睇?
[PR]
by karvitz | 2012-08-24 21:41 | :: 日記仔女
<< :: 2012 音樂結集.十四 :: 你夢到些什麼? >>