:: 吾皇萬歲。

d0039085_22505263.jpg
我工作部門的人數由初期八個到接近二十人,增長差不多接近三倍。老頂一直奉行工作不干擾政策 (可能係唔想理) ,即係如非必要,佢都唔會插手任何工作中的 Project 。

話說最近有外來公司攪咗兩場與工作範疇有關的Seminar,午 / 晚各一場。報名前,我已經通佈老頂,你由得班同事自己報名,我諗大多數都會去下午那一場。(點解?在辦公時間內又食又聽喎!相反夜晚就要用私人時間加額外精神。)

好!老頂覺得無問題,佢認為同事可以自律地分配參加午 / 晚場次的人數,「就算唔太平均分配都衰極都應該有個譜」--> 呢句係佢講的。

結果?



報名表一貼,十四個同事爭相報名去午餐,晚餐拍烏蠅。老頂見到就火起,捉住幾個同事「雕花拆蟹」,同時將報名表沒收再作安排,並通傳「如安排後未能出席會議者,請儘早告知」的消息。各同事見鬧出風雨,「被」安排也不好意思推卻,最後同事們都要乖乖地順服於老頂腳下。

問題來了,是老頂太有自信?還是他根本不了解同事們的心態?還是他仲以為可以用管理八個人方式去管理接近一個二十人的團隊?

在我眼中,這件事屬於一樁「你要去死,我勸過你,你都要去死」的情況,所以老頂發脾氣時,我一直都在封口,只暗暗地偷笑過半秒,真的,只有半秒。呵呵!
[PR]
by karvitz | 2012-09-30 17:51 | :: 日記仔女