:: 真係有無攪錯。

好模糊印象記得〈巴不得媽媽〉有一幕講泥水妹俾汪明荃屈佢在公司偷嘢,仲攪到要報警,劇情都幾老土,但呢種老土事,原來昨天才在公司發生過,而且還牽涉到強國人。

話說某部門逐步地做裝修,地盤佬當然會出出入入,咁有位來自國內的女同事話唔見咗張職員証,大吵大嚷咁話其中一位裝修佬偷咗。我唔明佢點解有呢種想法,同時呢位裝修師傅一直都有幫公司做工程,手腳乾淨,毫無不良紀錄。其實大家都唔信呢位國內女同事的說話,因為她一向都是麻煩人,之但係有人提出話被偷嘢,各方面的部門都要插手幫忙去調停,又話唔俾人走,又話要搵個夾萬鎖好貴重嘢喎………




咁朝早攪咗一大輪之後都搵唔到,大家都各自返回自己崗位,始終職員証都唔係什麼貴重物品而要攪到報警咁嚴重。

Lunch 過後,我就聽到話呢位小姐搵返個職員証,而點解搵返?原因就係佢自己前一晚亂咁放,無放返落自己櫃筒,後來突然記起喎……

妖!呢類人係唔係應該拎去打靶?浪費晒人力物力之餘,又令到自己跟班裝修師傅的關係緊張,so 低能!

我唔會帶歧視,但我想重申講一句,這位師傅一直都合作無間,無不愉快事情發生過;而呢位小姐則來自強國,我唔會講佢係狗眼看人低,但強國人喎.....讀過下書,又覺得自己上等的,又真係有幾出奇?

所以話,中港融合真的不是一件易事。
[PR]
by karvitz | 2012-10-31 22:36 | :: 日記仔女