:: 訕?
公司有安排清潔阿姐幫忙打掃,阿姐是不定期輪流轉換的,即每次都會見到不一樣的阿姐 (咁似亞姐的宣傳 Slogan XD)。咁上星期來幫手那位都有幾個月無見,她其中一項專長就是打牙骹,邊做邊傾。

佢抺到去我附近,開場白就來「o靚仔,早排放假有無去邊度旅行呀!」我答 (其實唔係好想理佢) 「無喎!」佢再問「咁深圳o個 D 有無去呀?」我「下?深圳都叫旅行?」

佢見我有反應立即加多二錢肉緊「咩唔叫旅行,去華僑城咁遠都叫係去旅行喇!」我「哦!我無去過!」佢「點解唔去呀,有機動遊戲玩,又可以行山,玩完又可以去深圳食嘢按摩…… (下刪九百五十八個字)」

我想問下,對付呢類口水佬 (姐) ,有什麼好方法?(我知道黑面 / 西面對佢一定 work,但我就係唔想囉!)
[PR]
by karvitz | 2012-11-26 23:51 | :: 日記仔女
<< :: 摷。 :: 吐血。 >>