:: 摷。

對於俾自己的伴侶摷手機,有何意見?



有朋友剛覓到新女伴,歡天喜地的把她帶出來見見朋友,這位女伴連造作的 say hi 都沒有,全程黑面及當省話一姐,還好朋友夠熟才沒有被她的氣場干擾。這種朋友聚會她出席過三次,每次都是黑面及句起句止,完全無心去溝通熟絡,後來朋友們決定有他就一定要無「她」,費是破壞氣氛喇。

後來得知女伴嫌朋友的女性朋友太熱情,玩得太 close 喎! (其實一點都唔 close,只不過你串我,我串你咁) 朋友又有講,試過有一次俾佢摷手機見到佢同幾位普通女性朋友合照而大發雷霆喎。我心諗呢條女都幾喪,識咗三幾個月就犯晒所有拍拖唔應犯的錯………




呢件事上面,朋友因為覺得電話無嘢所以俾佢任摷,但女伴就呷埋無無謂謂的醋,呢種關點會長久?同埋朋友既不似吳彥祖,更不像古天樂,冬天乾起上來塊面仲會甩皮,咁都擔心被搶?講唔通………

陳奕迅有首歌叫〈信任〉,歌詞唱 「你無謂偷看 手機中號碼一閃 私郵和短訊 逐個查驗」

咁即係點?即係你做得呢樣野就等如唔信任身邊那位,咁樣做真係好傷害一段感情………… 我好少咁講,但我都希望佢地拍下散拖好喇!要談婚論嫁的話,我諗我地朋友圈又會少咗個朋友喇!
[PR]
by karvitz | 2012-11-29 00:18 | :: 日記仔女