:: 生活。

生活小事.二

d0039085_23105866.jpgd0039085_23103837.jpgd0039085_23102678.jpg

.電話正面塊保護貼,年幾前已被鎖匙刮穿,有個小疤痕,由於在不顯眼位置,所以一直都無換,直到上個禮拜...鎖匙又狠狠地在中間劃了一把,非常礙眼,非換不可了。

懶得自己貼,花錢在車仔檔搵幫手,眼明手快咁就換好一塊「高清貼」- 好靚。但個師傅轉身就扔咗那張舊保護貼,我想問佢「做咩唔俾返我....」但我問唔出口,怕俾人話垃圾都仲要!無辦法!典型巨蟹就係咁,相處久了就有感情,就算是有用無用或唔用,都一樣有感情。(真麻煩)



.可能是早排天氣又寒又濕的關係,部門最大件頭 (呵呵!數唔到我) 的兩位同事都相繼病到,而且有人傳人有跡象,Do Re Mi Fa 咁逐個輪流病,直到這兩日天氣回穩,有太陽曬下,部門的咳咳咳聲才開始減少。那兩位大件頭同事更因病到而去唔到部門的聚餐 (自助餐),超可惜,但身體緊要,大家真係著多兩件衫先好去玩喇!

.十年前辦的回鄉卡到期了。這張卡,滿載了我返大陸的深刻回憶:

- 跟朋友屋企人返深圳玩,在大陸關卡申請自助過關時,一家人被左推右推之下跟人口角,好深刻。
- 一個人從深圳西出發坐火車到天津。除非有人想找我同行,試下箇中滋味外,下個十年,我應該唔會再咁癲。
- 還有在長沙唔見銀包、在廣州發燒再淋雨、又去過樟木頭附近的大型屋苑住過、還有上海的生煎包超好食、在東門買的大紅布鞋只著過三幾次、朋友重點推介去的小肥「牛」火窩超難食及舊回鄉卡張相是我最最最最瘦的時候,所有事都過去,下個月又將會開始下一個十年 ………
[PR]
by karvitz | 2012-12-08 23:12 | :: 日記仔女