:: 街坊團年飯。
d0039085_0564344.jpg
話說這餐飯應該食於鳳城,但因為太遲才決定,訂不到檯。當大家在躊躇著去邊度開飯時,我隨便說了一句「不如去我樓下附近大排檔喇!」啊!全體竟然沒異議喎!就咁便促成這單團年飯。

大排檔的大火快炒最有風味,樓底下的這家還加上了份量超足,大大碟咁毫無保留食到你飽。我們五大一細,共點了七餸一湯加九個靚仔,而家諗起,真係覺得似餓鬼出籠?

炒聖子非常好食;黑椒咸豬手的份量巨得驚人,幸好一早就上菜,假若最後幾道才上,實難啃得下;粟米羹超大碗,飲到大家都成肚水;一碟沙拉骨有八到十塊超大的豬扒,癲;黑椒牛扒粉絲煲的粉絲索晒所有汁醬,撈埋一齊超好食;還有炸魷魚,辣炒豬腸,金銀蛋波菜都好好食,個個都捧住個肚走,而且買單每人才 $ 120,真係抵食到癲喇!正!
[PR]
by karvitz | 2013-02-22 23:54 | :: 日記仔女
<< :: 卷。 :: 西遊.降魔篇。 >>