人気ブログランキング | 話題のタグを見る

:: 小迷信。

:: 小迷信。_d0039085_1203150.jpg
一向對犯太歲呢類無咩科學根據的事都唔太上心,但今年由立春就開始頭頭碰著黑,先有工作上有奇怪事,後又不小心得罪人,更不用說零橫財運及脾氣突然大起大落喇!總之一年之始就是霉喇!

朋友說我今年犯太歲,不如搵日去拜太歲喇!一頭霧水的我立即上網搵資料,再問朋友到底程序是什麼!他說「在上圓玄學院的小巴站就有衣紙鋪,佢地會幫你執好晒所有架撐喇!」

好!快快手襯好日就出發。




上到圓玄學院,每個人都手執衣紙在拜拜拜,我都不例外。別人排隊逐個神拜拜,我又跟著做,很簡單,但不明白為什麼有很多善眾都爭先恐後,不是來求個安心嗎?這樣推撞及破壞秩序,神真的會保佑你嗎?

把衣紙燒過,利市放好在銀包就邊行邊睇咁從圓玄學院走返荃灣地鐵站,雖然沒有脫胎換骨之感,但我就覺得買咗個心安理得,條路都真係順咗喎。

直到今日,雖然霉氣仍纏身,但已好過之前好多,希望今年平平穩穩過就好。(但我知今年應該會過得幾顛簸~~)
by karvitz | 2013-02-26 23:42 | :: 日記仔女