:: 嗅。

d0039085_20374356.jpg
由小到大都覺得自己嗅覺一般,鼻敏感發作時期更是無嗅覺可言,聞到與聞唔到之間已分別不大,習慣晒,除了臭或香之外,有些味道我根本聞唔到,但這幾年的情況開始有點不同。

幾年前某一日 lunch time,同事叮完飯,佢拎住個飯盒返埋位食,而我個位就正正對住佢,那一襲住家飯盒的難聞油澺味突然湧入鼻腔,我霎時覺得面頰很癢,繼而有點呼吸困難,我立即離開受襲地區,走去 pantry 抖了口氣。自此之前,他每日開餐時,我都要暫時避席。




除了油澺味,還有油煙味!小時候去食韓燒,不明白點解有人會話冷衫吸滿晒油煙味,我完全唔覺囉!近幾年我開始聞到呢襲味了,原來真的好厭惡,但點解細個的時候聞唔到呢?而且近年去茶餐廳食飯時,假若其通風差,我也會聞到自己一身味,好難頂。

再拉遠點,說到拉,拉出來的,以前只會覺得臭只會是一個味,沒分別的。哼!近幾年我竟然聞得到昨晚吃過的,最易認出的就是奇異果,一聞就即認出。超厲害,但我就唔想有個咁靈既鼻囉!(呢一點,有網友應該好感興趣。)

有些時候,我寧可好像小時候無嗅覺,例如在新簇簇巴士上聞到的臭膠味,好明顯 TVOC 超標,但唔明點解可以 pass 到出廠,我聞得多會頭暈;又例如薄薄的渠味,明明以前無,點解而家我會聞到?而當我聞到的時候,我又會驚驚地係唔係會爆渠又或者有滲漏呢?兩件事都會好大鑊,你明的。

因為味道而胡思亂想的情況都有幾多,但小時候就並沒有發生過,是我的嗅覺在這幾年才發育完成?還是根本個世界就變咗?定係鼻敏感完全好返晒,所以聞得返之前聞唔到的味道?這...真的有點吊詭.........
[PR]
by karvitz | 2013-03-09 20:38 | :: 日記仔女